Why! Computer

why! isch d Computer-Margge vo why! open computing AG, Prilly VD, Schwiz.

why! gseht sech als Abieterin vo Qualitätsprodukt, wo "ökologischi" Eigeschafte hei. D Computer si (je nach Produkt) mitem letzte GNU/Linux Betriebssystem Ubuntu LTS usgrüstet. Das ermüglecht e benutzerfründlechi u einfachi Bedienig.

Es paar vo vilne Eigenschafte:

• Reparierbar: Zum erste Mal unternimmt e Margge aus, damit ihri Produkt langläbiger si. Ds Unternähme why! gloubt felsefest dra, dass e Verminderig vo de Iiwürkige uf d Umwält une nachhaltigi Entwicklig nume so chöi erreicht wärde. Drum het sech why! e Läbesduur vo ihrne Produkt vo zäh Jahr zum Ziel gsetzt. Why! Produkt hei ke zuesätzlechi, sogenannt programmierti Obsoleszänz. D Grät wärde houptsächlich ufgrund vo ihrer Reparierbarkeit oder Reparierfründlichkeit usgewählt. Mit eme entsprächende Schrubezieher cha jedes Teili vomene why! Computer innerhalb vo weniger als 15 Minute ustuscht wärde (usser d Houptplatine).
• Reparaturanleitige uf iFixIt.com: es het es paar Reparaturanleitige uf www.ifixit.com uf hochdütsch u uf französisch.
• Verfüegbari u erschwinglechi Ersatzteili: why! versuecht, di meiste Ersatzteili während zäh Jahr (neu oder Occasion) zu akzeptable Prise aazbiete.
• Iisparige: D why! Computer hei ds Betriebssystem Ubuntu u zahlrichi Applikatione useme "App Store" (Software Centre) vorinstalliert. So heit dir aus Chundin oder Chund kener Zuesatzchöste für Office-, Mail-, Grafikprogramm usw. Um sich vo der Obsoleszänz z befreie, wo düre Systemwächsel cha passiere, het sich why! für Programm us dr Open-Source-Wält entschiede. I dr Linux-Wält isch e Betriebssystemwächsel oder en Upgrade nid outomatisch miteme Computer-Wächsel verbunde. O di meiste Peripheriegrät, wi zum Bispiel dr Drucker, chöi witer verwändet wärde. Es müesse kener türe Lizänzgebühre kouft wärde.