Förderig vo nachhaltigere IKT/ICT-Produkt u se bekannter mache!

Dr Verchouf oder Widerverchouf (Reselling) vo guete digitale bzw. Informatik-Nischeprodukt, wo o no chly nachhaltiger sötte sy, cha chuum d Chöste decke.

En fait, malgré leur potentiel, il n'y a guère de ressources suffisantes pour les développer. Trotz ihrem Potenzial stöh meistens eifach nid gnüegend Ressource zur Verfüegig, um settigi Produkt u dr Märit z'witerentwickle.

Mir dänke da a ne Art Förderigsfonds. Dank chlynere u grössere Biiträg chönnte so Produkt, zurzyt vor allem why!-Computer, uf di einti oder angeri Art gförderet wärde. Falls überhoupt öpis a Beträg zämechämti, würde si nid i d Kasse vo der Firma fliesse, o nid vo de Wiederverchöifer wie wuergler-it.ch. Sondern es würde Idee wie bispilswis di folgende witerentwicklet: Sensibilisierig, zerst dür minimali Wärbig uf unterschiedlichster Art (no z'detailliere). Nachhär wäre systematischi Untersuechige oder Forschig über d Produkt u ihri Verbesserig, ihri Förderig, dr Vertrieb usw. Zudäm wäre Öffentlichkeitsarbeit (Public Relations) oder vernünftigs Marketing (wo nid z verwächsle isch mit nume Wärbig) nötig, oder o a Usstellige u Kongrässe teilznäh usw. Ir Zuekunft sött e (verbessereti) Support-Organisation ufbout wärde.

D Realität isch natürlech, dass das aus ziemlech viu Zyt u äbe Gäud würd bruche.

Aber e Franke oder zwe wäre scho mau ziemlech nützlech.